A qué sómia un dròlle de Sevilha ?

Quand serai grand, serai penitent...mas de quina color ?

E ben a ieu m'espaurugan los Nazarenos !

A temps passat de processions n'aviam tanben de bèlas a Montpelhièr 

Item, dimergue a xxv de junh, fo facha

procession general en Montpelier, per la pas, per la

qual se dizia que nostres’ lo rey, era a Sant Homer,

e∙l rey d’Anglaterra era a Calays ; et per so que plagues

a Dieus gardar nos de malautias et de mortz

subtanas ; et que li plagues salvar et gardar las

personas de las gens e∙ls frutz de la terra ; en que

foron mossen lo vicari de Magalona, las parroquias,

los iiii ordes, Sant Johan et las capelas, los

senhors generals de Lengua d’oc reformadors

per lo rey, nostres’, los officiers de las cortz, cossols

& obriers et cossols de mar, et quays tot cap

d’ostal de senhors & de donas veuzas ; et cascun am

sa entorta & los ciris de las confrayrias cremans, et

y portet hom la ymage d’argent de Nostra Dona de Taulas

sot lo pabalhon et lo cors sans de mossen sant Cleofas

davant, et la testa apres en las mas de mossen lo prior

de Sant Fermi, et y avia enffans mascles innocens

plus de m en pes descauces, respondens en auta

votz a alcus senhors capelas que los precezian cantans

las letanias. Et y avia atressi motas donzelas

descaussas dizens lurs Ave Marias. Et y ac tant

gran pobol et tant gran luminaria que non era me-

moria d’ome que agues vist jamays a sa vida

tant solempna procession en Montpelier ni en autra

part ;

---