Òme-Aucèu, trèva d’ebèna, Sus un Rapa-Nui fargat per lo vent, Vèni per te veire a la luna plena, Dins l’ermàs d’erbum quistar ton segren.
L’èrsa immensa te remena. Per la desenmascar, aquò te pren D’i cabuçar. L’inconscient te mena A l’ulhauç blau, confinha dau non-ren.
Lo cèu mut siscla sa pena Perque ai setanta escaliers dau Temps Que la Tèrra ai dius encadena Leis Avis gigants son ara jasent
Ambé lo nas dins l’arena. N’as agut relevat, tu lo felen, Puei te siás avisat qu’an dins lei venas Res que pèira. Ges de sang, ges de ment.
Pòble exilhat deis estelas... Viras teis uelhs de sanha cap au cèu. La mar sens escapa èra tròp crudèla. Cadun dins son centre es un Òme-Aucèu.
L’en-fòra totjorn t’apèla. ...Renais l’òrt dins la bauma de tuvèu. Susa ton piech brun e lo piech raufèla. Amòlas lei bauç coma de cotèus.
Trauc d’un lau dins mei costèlas ! D’un vielh mond perdut, l’aiga e lei corrents Dessenhan l’emboriga. M’encordelas, Òme-Aucèu, a ton vòu, dins lo seren.
2 commentaires:
remirable!
e nos las mostraràs totas quand tornaràs?!? me languissi de las veire :)
CAMIN D’ORONGO
- Sus l’iscla de Pascas -
Òme-Aucèu, trèva d’ebèna,
Sus un Rapa-Nui fargat per lo vent,
Vèni per te veire a la luna plena,
Dins l’ermàs d’erbum quistar ton segren.
L’èrsa immensa te remena.
Per la desenmascar, aquò te pren
D’i cabuçar. L’inconscient te mena
A l’ulhauç blau, confinha dau non-ren.
Lo cèu mut siscla sa pena
Perque ai setanta escaliers dau Temps
Que la Tèrra ai dius encadena
Leis Avis gigants son ara jasent
Ambé lo nas dins l’arena.
N’as agut relevat, tu lo felen,
Puei te siás avisat qu’an dins lei venas
Res que pèira. Ges de sang, ges de ment.
Pòble exilhat deis estelas...
Viras teis uelhs de sanha cap au cèu.
La mar sens escapa èra tròp crudèla.
Cadun dins son centre es un Òme-Aucèu.
L’en-fòra totjorn t’apèla.
...Renais l’òrt dins la bauma de tuvèu.
Susa ton piech brun e lo piech raufèla.
Amòlas lei bauç coma de cotèus.
Trauc d’un lau dins mei costèlas !
D’un vielh mond perdut, l’aiga e lei corrents
Dessenhan l’emboriga. M’encordelas,
Òme-Aucèu, a ton vòu, dins lo seren.
Enregistrer un commentaire